நீட் தேர்வு முடிவு இணையதளத்தில் பார்ப்பது எப்படி NEET UG Results 2023 top 10 students list

NEET UG Results 2023 top 10 students list

நீட் தேர்வு முடிவு இணையதளத்தில் பார்ப்பது எப்படி நீட் தேர்வில் தமிழக மாணவர் முதலிடம்..!

இளங்கலை மருத்துவப் படிப்புகளுக்கு தேசிய அளவில் நடந்து முடிந்த நீட் தேர்வு முடிவுகளை தேசிய தேர்வு முகாமை வெளியிட்டுள்ளது.

இந்த தேர்வில் தமிழ்நாட்டைச் சேர்ந்த மாணவர் பிரபஞ்சன் 720/720 மதிப்பெண்கள் பெற்று இந்திய அளவில் முதலிடம் பெற்று புதிய சாதனை படைத்துள்ளார்.

நாடு முழுவதும் அரசு மற்றும் தனியார் மருத்துவக் கல்லூரிகளில் உள்ள MBBS BDS படிப்புகள், ஆயுஷ் படிப்புகளுக்கு, சித்த ஆயுர்வேத, யுனானி, ஓமியோபதி,போன்ற படிப்புகளுக்கு நீட் தேர்வு மூலம் மாணவர் சேர்க்கை நடத்தப்படுகிறது.

இந்த தேர்வு நீட் எனப்படும் தேசிய தகுதி அல்லது நுழைவு தேர்வு என அழைக்கப்படுகிறது.

ஆண்டுதோறும் நடக்கும் இந்த நுழைவுத் தேர்வை NDA எனப்படும் தேசிய தேர்வு முகமை நடத்துகிறது.

நடப்பு ஆண்டுக்கான 2023 நீட் நுழைவுத் தேர்வுக்கான விண்ணப்ப பதிவு மார்ச் 6ஆம் தேதி தொடங்கி ஒரு மாதம் நிறைவடைந்து ஏப்ரல் 6ம் தேதியுடன் விண்ணப்ப பதிவு முடிவடைந்தது.

மாணவர்களின் கோரிக்கையை ஏற்று தேசிய தேர்வு முகாமை மீண்டும் விண்ணப்ப அவகாசத்தை நீட்டியது.

இதன்படி நீட் தேர்வை எழுத மாணவர்கள் மீண்டும் ஏப்ரல் 11 முதல் ஏப்ரல் 13 வரை விண்ணப்பித்தனர்.

இதையடுத்து மே 7ஆம் தேதி தேர்வு நடைபெற்றது நாடு முழுவதும் 499 நகரங்களில் நடைபெற்ற இந்த தேர்வில் 11 லட்சத்து 84 ஆயிரத்து 520 மாணவிகளும் 9,லட்சத்து 2,930 மாணவர்களும் 13 திருநங்கைகளும் மொத்தம் 20 லட்சத்தி 87 ஆயிரத்து 445 நபர்கள் நீட் தேர்வை எழுதினார்கள்.

தேர்வு முறை கேடுகளை தடுக்க பல்வேறு கண்காணிப்பு நடவடிக்கைகளை தேசிய தேர்வு முகாமை மேற்கொண்டது, பலகட்ட சோதனைக்கு பிறகு தேர்வு அறைக்குள் மாணவர்கள் அனுமதிக்கப்பட்டார்கள்.

இந்த நிலையில் நீட் நுழைவுத் தேர்வு முடிவுகளை தேசிய தேர்வு முகமை ஜூன் 13ஆம் தேதி மாலை வெளியிட்டது.

இந்த தேர்வு முடிவுகளை https://www.nta.ac.in/என்ற இணையதளத்தில் தெரிந்து கொள்ளலாம் என அறிவிக்கப்பட்டுள்ளது.

இந்த தேர்வில் 11 லட்சத்து 45 ஆயிரத்து 976 நபர்கள் தேர்ச்சி பெற்றுள்ளார்கள்.

தமிழகத்தின் நிலை என்ன இந்த தேர்வில்

தமிழகத்தைப் பொறுத்தவரை விண்ணப்பித்து 1 லட்சத்து 44 ஆயிரத்து 516 நபர்களில் 78 ஆயிரத்து 693 நபர்கள் இந்த ஆண்டு தகுதி பெற்றுள்ளனர், தமிழக, ஆந்திர மாநிலங்களை சேர்ந்தவர்கள் முதலிடம் பெற்றுள்ளார்கள்.

தமிழகத்தை சேர்ந்த மாணவர் பிரபஞ்சன் ஆந்திர மாநிலத்தை சேர்ந்த பேரா வரும் சக்கரவர்த்தி ஆகியோர் தேசிய அளவில் நீட் தேர்வில் முதலிடம் பெற்றுள்ளனர் முதல் 10 நபர்களில் 4 மாணவர்கள் தமிழக மாணவர்கள்.

நீட் தேர்வில் உத்தரபிரதேச மாநிலத்தில் அதிக மாணவர்கள் தேர்ச்சி பெற்றுள்ளனர் அதைத்தொடர்ந்து கடந்த ஆண்டை போலவே மகாராஷ்டிராவிலும் அதிக மாணவர்கள் தேர்ச்சி பெற்றுள்ளனர்.

1.31 லட்சம் மாணவர்கள் தேர்ச்சி பெற்றுள்ளனர்,ராஜஸ்தானிலும் நீட் தேர்வில் அதிக தேர்ச்சி விகிதம் பதிவாகியுள்ளது.